«Apienhiejmier» atrymaŭ «Załaty hłobus» za najlepšy film
U Halivudzie prachodzić uručeńnie premii «Załaty hłobus» — druhoj pa prestyžnaści paśla «Oskara».
Film «Apienhiejmier» režysiora Krystafier Nołana atrymaŭ premiju «Załaty hłobus» u katehoryi «Najlepšy dramatyčny film». Karcinu taksama adznačyli za najlepšuju režysuru i vykanańnie hałoŭnaj mužčynskaj roli (Kilijan Miorfi).
Pieramohu ŭ katehoryi «Najlepšy film, miuzikł abo kamiedyja» atrymała stužka «Biednyja-niaščasnyja» Jorhasa Łancimasa.
Pryz za najlepšuju mužčynskuju rolu ŭ miuzikle abo kamiedyi atrymaŭ Poł Džamaci («Pakinutyja»), najlepšaj dramatyčnaj aktrysaj pryznali Lili Hładston («Zabojcy kvietkavaha miesiaca»).
U naminacyi «Najlepšy film na zamiežnaj movie» pieramoh detektyŭny film «Anatomija padzieńnia» (Francyja).
Najlepšymi sieryjałami pryznali «Spadkajemcaŭ» (u naminacyi drama) i «Miadźviedzia» (miuzikł ci kamiedyja). «Chłopčyk i ptuška» Chajaa Mijadzaki atrymaŭ «Załaty hłobus» jak najlepšy animacyjny film, piša RBK.
Čytajcie taksama:
«Apienhiejmier»: kinapałatno, satkanaje z mnostva detalaŭ, pra zło, jakoje raście pakrysie
Kruz, Vonka i dzicia Biełarusi: top-10 filmaŭ hoda
«Niebaraki» Jorhasa Łancimasa atrymali «Załatoha lva» na Vieniecyjanskim kinafiestyvali
