Histaryčnamu centru Navahrudka prysvoili status historyka-kulturnaj kaštoŭnaści mižnarodnaha značeńnia
18 śniežnia Biełaruskaja respublikanskaja navukova-mietadyčnaja rada pa pytańniach historyka-kulturnaj spadčyny pry Minkulcie pryniała rašeńnie ab nieabchodnaści nadańnia statusu historyka-kulturnaj kaštoŭnaści šaści novym abjektam i elemientam.
Histaryčnamu centru Navahrudka XII-XX stst. nadali status historyka-kulturnaj kaštoŭnaści katehoryi «1» (to-bok mižnarodnaje značeńnie).
Fota: kulturagrodno
Biełaruskija historyki ličać, što Navahrudak byŭ pieršaj stalicaj Vialikaha Kniastva Litoŭskaha. Adna ź jaho kaštoŭnaściaŭ — reštki zamka, jaki isnavaŭ tut užo ŭ XI-XII stahodździ.
Kaścioł va Ušačach. Fota: probelarus.by
Status historyka-kulturnaj kaštoŭnaści prysvoili kaściołu śviatoha Łaŭrencija 1913 h. va Ušačach z adniasieńniem da katehoryi «2» (nacyjanalnaje značeńnie).
Kaplica ŭ Krasnaaziornym (parafija Judy Tadevuša ŭ Višnievie). Fota: catholic.by
Kaplicy śviatoha Jana Chryściciela druhoj pałovy XVIII st. u v. Krasnaaziornaje Smarhonskaha rajona z adniasieńniem da katehoryi «3» (rehijanalnaje značeńnie).
Kaścioł u Łyntupach. Fota: vedi.by
Kaściołu śviatoha apostała Andreja 1908-1914 hh. u Łyntupach Pastaŭskaha rajona z adniasieńniem da katehoryi «3» (rehijanalnaje značeńnie).
Taksama status historyka-kulturnaj spadčyny prysvojeny kultury biełaruskaj dudy na Homielščynie (katehoryja «B») i technałohii aplatańnia biarostaj hančarnaha posudu ŭ Viciebskaj vobłaści (katehoryja «B»).
