Miedyki raspaviali, kali hryp i VRVI adstupiać
Siezonny ŭzdym zachvorvańnia na vostryja reśpiratornyja infiekcyi nieŭzabavie pojdzie na spad, zajaviła namieśnica ministra achovy zdaroŭja — hałoŭny dziaržaŭny sanitarny doktar Biełarusi Natalla Žukava ŭ intervju prahramie «Hałoŭny efir» na telekanale «Biełaruś 1», paviedamlaje BiełTA.
Jak adznačyła Natalla Žukava, čakajecca, što siezonny ŭzdym praciahniecca jašče tydni dva. Ciapierašni ŭzrovień zachvorvańnia charakterny dla dadzienaha pieryjadu, potym, jak čakajecca, situacyja pojdzie na spad.
Pa słovach Natalli Žukavaj, zaraz rehistrujecca pik zachvorvańnia na hryp i VRVI. U niekatorych rehijonach, naprykład u Bresckaj vobłaści, zachvorvańnie nižejšaje za siaredni ŭzrovień pa krainie, u Homieli — krychu vyšejšaje. Pa vynikach epidnahladu, u pikavyja tydni virus hrypu sustrakajecca nie bolš čym u 20% usich chvorych.