Žychar Mahilova vyrašyŭ zarezać dvuch mužčyn, bo jany nie zachacieli ź im vypić
U Mahilovie na prypynku hramadskaha transpartu pa vulicy Čaluskincaŭ pjany mužčyna napaŭ z nažom na dvuch minakoŭ. Pryčynaj stała admova na prapanovu vypić razam. Milicyju vyklikała znajomaja paciarpiełych mužčynaŭ.
38-hadovy raniej sudzimy mahiloviec prapanavaŭ mužčynam i ich spadarožnicy skłaści jamu kampaniju. Tyja admovilisia, zaviazałasia svarka. Pjany mužčyna dastaŭ nož i ŭdaryŭ adnaho z apanientaŭ u vobłaść šyi, a druhomu nanios udar u tvar, paviedamiŭ miascovamu partału mycity.by načalnik Kastryčnickaha RAUS Mahilova Alaksandr Silvanovič.
Paciarpiełyja — 26-hadovy mahiloviec i jaho 40-hadovy pryjaciel, žychar Mahiloŭskaha rajona — byli dastaŭleny ŭ balnicu.
Złamyśnika chutka zatrymała milicyja. U dačynieńni da jaho raspačata kryminalnaja sprava pa artykule «Asabliva złosnaje chulihanstva». Mužčynu pahražaje da 10 hadoŭ pazbaŭleńnia voli.