U Rasii nazvali mahčymych «pierajemnikaŭ» Pucina
Lidarami rejtynhu mahčymych «pierajemnikaŭ» prezidenta Uładzimira Pucina, składzienaha fondam «Pieciarburhskaja palityka», stali premjer-ministr Dźmitryj Miadźviedzieŭ, mer Maskvy Siarhiej Sabianin i hubiernatar Tulskaj vobłaści Alaksiej Dziumin. Pra heta paviedamlaje RBK.
Miadźviedzieŭ u rejtynhu atrymaŭ 21 bał. U kamientary da jaho pakazčykaŭ havorycca, što premjer jašče «da kanca nie adyšoŭ» ad «infarmacyjnych napadaŭ» i akcyjaŭ pratestu, jakija adbylisia ŭ pačatku hoda, ale jamu ŭdałosia spynić «niehatyŭnuju rejtynhavuju dynamiku».
Pa słovach kiraŭnika «Pieciarburhskaj palityki» Michaiła Vinahradava, pra heta kaža źjaŭleńnie Miadźviedzieva razam z Pucinym padčas vizitu prezidenta ŭ Krym na minułym tydni.
Sabianin u rejtynhu nabraŭ 19 bałaŭ. Ekśpierty ličać, što jon zmoh źnizić «napružanaść u suviazi z renavacyjaj u Maskvie i pieraklučyć uvahu na pazicyjanavańnie maskoŭskich municypalnych vybaraŭ jak uzornych z punktu hledžańnia kankurentnaści».
Dziumin, jaki, jak raniej paviedamlali surazmoŭcy RBK, karystaŭsia vialikim davieram Pucina, atrymaŭ 19 bałaŭ. Jaho vysoki vynik aŭtary daśledavańnia źviazvajuć z čakańniem źjaŭleńnia novaj fihury ŭ roli mahčymaha pierajemnika.
Na čaćviortym miescy z 17 bałami ŭ rejtynhu apynuŭsia ministr abarony Siarhiej Šajhu, a na piatym z 16 bałami - śpikier Savieta Fiederacyi Valancina Maćvijenka.
Vybary prezidenta ŭ Rasii namiečany na sakavik 2018 hoda. Pucin u pačatku žniŭnia paabiacaŭ «padumać» ab vyłučeńni na ich u jakaści kandydata.