U mahiloŭskaha aktyvista adbyŭsia pieratrus, skanfiskavali noŭtbuk
Aktyvista zatrymali 18 žniŭnia na 72 hadziny ŭ miežach kryminalnaj spravy ab vykładańni Paŭlinkovičam u internet videaroliku parnahrafičnaha źmiestu.
Pra pieratrus u kvatery, uładalnikam jakoj jość baćka aktyvista Alaksandar Paŭlinkovič, rodnym nie paviedamlali. Skazali tolki pra zatrymańnie Stanisłava.
Siońnia Paŭlinkovič-starejšy naviedaŭsia ŭ kvateru i ŭbačyŭ u joj verchał. Vyklikaŭ milicyju, jakaja i paviedamiła jamu pra adbyty pieratrus. Na jahonuju dumku, tyja, chto jaho pravodziŭ, parušyli zakon, bo biez prysutnaści haspadara nia mielisia bracca za pieratrus.
Pa słovach Alaksandra, z kvatery źnik jahony noŭtbuk, jaki jon daŭ synu, kab toj pačyściŭ ad virusaŭ.
«Pieraśled syna źviazany z apazycyjnaj dziejnaściu, tamu i prydumali kryminalnuju spravu suprać jaho. Pra vobšuk nas nie infarmavali. Jon niezakonny, bo ja jak uładalnik kvatery musiŭ prysutničać. Milicyjant, jaki pryjšoŭ ahledzieć kvateru, paćvierdziŭ, što byŭ mienavita vobšuk. Skłaŭ pratakoł i abiacaŭ dać adkaz piśmova pa vynikach pravierki», — adznačyŭ Alaksandar Paŭlinkovič
Troje sodniaŭ, na jakija zatrymali Stanisłava, skančajucca ŭ paniadziełak, 21 žniŭnia. Jamu pavinny vystavić abvinavačvańnie albo vyzvalić.