Napad ŭ Barsiełonie: palicyja šukaje novaha padazravanaha FOTA
22-hadovy Abujakub chavajecca.
Kiroŭca furhona, pad kołami jakoha ŭ čaćvier u Barsiełonie zahinuli 13 čałaviek, vierahodna, žyvy i chavajecca, zajaviła ispanskaja palicyja.
Palicyja šukaje Juniesa Abujakuba, jaki naradziŭsia ŭ Maroka i jakoha ispanskija ŚMI nazvali vierahodnym kiroŭcam furhona.
Mužčyna, jakoha raniej ličyli hałoŭnym padazravanym, 17-hadovy Musa Ukabir, byŭ adnym ź piaci mužčyn, zastrelenych palicyjaj padčas napadu ŭ horadzie Kambryłs, na zachad ad Barsiełony.
22-hadovy Abujakub žyŭ u horadzie Rypal na poŭnač ad Barsiełony. U Rypali aryštavanyja try čałavieki i jašče adzin - u Alkanary.
Raniej hałoŭnym padazravanym ličyli Ukabira, ale pozna ŭ piatnicu načalnik palicyi Barsiełony skazaŭ pa miascovym telebačańni, što teoryja pra toje, što jon byŭ za rulom furhona, «maje ciapier mienš vahi».
Hazieta El Pais zajaviła, što ŭsio bolš prykmiet taho, što hałoŭnym padazravanym u ździajśnieńni napadu źjaŭlajecca Abujakub.
Ukabira ž padazrajuć u tym, što jon skarystaŭsia dakumientami svajho brata, kab arandavać furhon, jaki źbiŭ ludziej u Barsiełonie, i jašče adzin furhon, znojdzieny paźniej u miastečku Vik na poŭnač ad Barsiełony, jaki pryznačaŭsia dla ŭciokaŭ złamyśnikaŭ.
U noč na piatnicu palicyja zastreliła pieciarych złamyśnikaŭ, u tym liku i Ukabira, u horadzie Kambryłs paśla taho, jak jany najechali svaim aŭtamabilem na hrupu piešachodaŭ, zabiŭšy adnu žančynu i paraniŭšy jašče šeść čałaviek.
