Aŭtobus «Homiel — Maskva» trapiŭ u DTZ u Rasii: zahinuŭ pasažyr

Nočču 15 žniŭnia aŭtobus sutyknuŭsia z furaj.

Pres-słužba Kałužskaha abłasnoha ŭpraŭleńnia MUS Rasii paviedamlaje, što DTZ z udziełam pasažyrskaha aŭtobusa adbyłosia na 138-m km aŭtadarohi Maskva — Małajarasłaviec — Rasłaŭl u Kałužskaj vobłaści.

U aŭtobusie było 37 pasažyraŭ. U vyniku DTZ adzin čałaviek zahinuŭ i dzieviać atrymali traŭmy. Adzin z traŭmavanych — u ciažkim stanie, jon u reanimacyi.

Zahinuły pasažyr žyŭ u Kalinkavičach.

Pa papiarednich dadzienych, pasažyrski aŭtobus «Nieapłan», u jakim jechali biełarusy, sutyknuŭsia z furaj «Mersedes-Bienc» z-za treciaha ŭdzielnika ruchu — aŭtamabila «Falksvahien», jaki, nie spraviŭšysia z kiravańniem, vyjechaŭ na pałasu sustrečnaha ruchu i skaciŭsia ŭ kiuviet, čym spravakavaŭ DTZ.

UŠ

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0