Try dyvizii rasijskich desantnikaŭ buduć «supravadžać» «Zachad-2017»
Jak paviedamiŭ kamandujučy PDV Rasii hienierał-pałkoŭnik Andrej Sierdziukoŭ, na biełaruska-rasijskich vučeńniach «Zachad-2017» pavietrana-desantnyja vojski buduć dziejničać «u składzie dapamožnaha punkta kiravańnia PDV i troch dyvizij». Heta značyć, usiaho kala 24 tys čałaviek, što praktyčna ŭ dva razy pieravyšaje kolkaść sił, jakija płanujecca dla zadziejničać na «Zachadzie».
Pry hetym u Biełaruś PDV Rasii nakiroŭvacca nie buduć, a «buduć vykonvać vučebna-bajavyja zadačy na nieznajomych palihonach Zachodniaj vajennaj akruhi». Kankretnaja zaduma aficyjna pakul nie vykładzienaja. Ale, miarkujučy pa niadaŭnich vučeńniach PDV Rasii, havorka idzie pra nastupalnyja dziejańni: pierakidka na dalokija adlehłaści, desantavańnie na nieznajomych učastkach miascovaści, achop praciŭnika ŭ składzie ŭdarnych hrupovak, dziejańni ŭ adryvie ad asnoŭnych sił.
Takim čynam, realizujecca prahnoz, što ŭ pieryjad praviadzieńnia vučeńniaŭ «Zachad-2017» na terytoryi Rasii projduć maštabnyja vučeńni z nastupalnym scenarom. Na fonie jakich sam «Zachad-2017» i jaho abarončaja zaduma prosta zhubicca. Ale zatoje «Zachad» budzie asacyjavacca mienavita z vučeńniami na terytoryi Rasii, a nie Biełarusi. Z usimi palityčnymi i infarmacyjnymi nastupstvami, jakija adsiul vynikajuć.
