Łukašenka raspavioŭ, čamu nie razmaŭlaje pa-biełarusku
U intervju telekanału «Rośsija 24» Łukašenka zajaviŭ, što nie moža razmaŭlać pa-biełarusku, bo «ŭ biełaruskaj nie zaŭždy možna znajści patrebnyja dla razmovy słovy», źviartaje ŭvahu Radyjo Svaboda.
Pavodle Łukašenki, «rasijskaja mova siońnia — heta dabro dla nas»:
«Ja časta pra heta kažu, što biełaruskaja mova adnosna maładaja. Bo ŭ šmat jakich pytańniach, temach, asabliva ŭ terminałohii (fizyka, chimija, matematyka), u nas paprostu niama adpaviednych paniaćciaŭ u biełaruskaj movie».
Pavodle Łukašenki, jaho duša — u rasijskaj movie, taksama jak i ŭ absalutnaj bolšaści biełarusaŭ.
«Tyja, chto krytykujuć siońnia rasiejskuju movu, jany, moža, i nie praciŭniki jaje, a paprostu takim čynam chočuć padniać biełaruskuju movu da ŭzroŭniu rasijskaj movy», — ličyć Łukašenka