PSŽ źbirajecca kupić 18-hadovaha futbalista za 190 miljonaŭ jeŭra
«Pary Sen-Žermien» nie pakidaje sprobaŭ nabyć forvarda «Manaka» Kilijana Mbape. Paryžanie pavialičyli prapanovu nakont forvarda
Chen Yichen/Xinhua
Mbape ŭžo daŭ zhodu na pierachod i pastaviŭ podpis pad asabistym kantraktam. Pra heta paviedamlaje Sunday Times.
Brytanskaje vydańnie, sa spasyłkaj na krynicy, blizkija da pieramoŭ, piša, što «PSŽ» prapanavaŭ za forvarda €190 młn. Pry hetym razam z bonusami hetaja suma moža skłaści bolš za €220 młn i pabje sumu, jakuju paryžanie zapłacili za forvarda «Barsiełony» Nejmara. Za pierachod Nejmara «PSŽ» nie pavinien budzie płacić bonusaŭ, bo jon całkam vykupiŭ kantrakt brazilca.
Ispanskaja hazieta Sport paviedamiła, što ŭžo ŭ paniadziełak, 14 žniŭnia, Mbape moža być pradstaŭleny jak hulec «Pary Sen-Žermien». Kantrakt futbalista budzie raźličany na 5 hadoŭ.