Pieršy namieśnik staršyni Nacbanka źbirajecca pakinuć pasadu
Fota Siarhieja Bałaja
Taras Nadolny płanuje pakinuć pasadu pieršaha namieśnika staršyni praŭleńnia Nacyjanalnaha banka. Pra heta TUT.BY raspaviali surazmoŭcy ŭ bankaŭskich kołach.
«Kvalifikacyja i ambicyi ruchajuć jaho da šturmu bolš hrašovych vyšyń», - miarkuje znajomy z Nadolnym bankir.
Za plačyma 41-hadovaha funkcyjaniera 20-hadovy staž pracy ŭ Nacbanku. Za hety čas jon prajšoŭ šlach ad ekanamista I katehoryi da pieršaha namieśnika staršyni praŭleńnia.
Pa słovach inšaj krynicy, Nadolny ŭžo daŭno źbiraŭsia pakinuć Nacbank. «Ale ŭsio niešta nie zrastałasia», - adznačyŭ surazmoŭca.
U pačatku hoda kandydatura Nadolnaha razhladałasia na pasadu kiraŭnika Biełarusbanka. Adnak jana nie atrymała ŭchvaleńnia siłavikoŭ, raspaviadali infarmavanyja krynicy.
Ciapier Nadolnaha svatajuć u Alfa-Bank.