Łukašenka — biznesoŭcam: Nie daj boh, paśla 1 kastryčnika niechta niedzie nie tak budzie siabie pavodzić
Alaksandr Łukašenka, zasłuchoŭvajučy 8 žniŭnia dakład pa pytańniach vykanańnia daručeńniaŭ ab stymulavańni dziełavoj inicyjatyvy, daručyŭ da kastryčnika padrychtavać pakiet adpaviednych dakumientaŭ.
«Da 1 kastryčnika my pavinny vydać hramadstvu i pradprymalnikam hetyja dakumienty», - skazaŭ Alaksandr Łukašenka.
Jon adznačyŭ, što ŭsie zališnija administracyjnyja barjery, ź jakimi sutykajucca biźniesmieny, buduć skasavanyja. Razam z tym pavysicca adkaznaść pradprymalnikaŭ.
«Nie daj boh, paśla pieršaha kastryčnika, kali hetyja dakumienty nabuduć moc, niechta niedzie nie tak budzie siabie pavodzić - mała nie pakažacca, ja vam harantuju», - zajaviŭ kiraŭnik dziaržavy.
Płanujecca, što ŭ pakiet dakumientaŭ pa pytańniach stymulavańnia dziełavoj inicyjatyvy ŭvojduć kala dziesiaci narmatyŭna-pravavych aktaŭ. Alaksandr Łukašenka papiaredziŭ, što pierad padpisańniem jon maje namier zasłuchać dakładčykaŭ pa kožnym ź ich. «Kali ŭ mianie niama pytańniaŭ paśla našaha abmierkavańnia, dapracoŭki, ja padpišu hetyja dakumienty. Kali jość pytańni, budziem dapracoŭvać. Pytańnie vielmi surjoznaje, nielha pamylicca», - padkreśliŭ jon.
