Nacbank vypuściŭ maniety «Šlach Skaryny. Vilnia» FOTAFAKT
Nacyjanalny bank Respubliki Biełaruś z 7 žniŭnia 2017 hoda vypuskaje ŭ abaračeńnie pamiatnyja maniety «Šlach Skaryny. Vilnia» sieryi «Šlach Skaryny», paviedamlaje pres-słužba ŭstanovy.
— Srebnuju — naminałam 20 rubloŭ, vahoj 33,62 h, dyjamietram 50,00 mm, probaj spłavu 925, tyražom 2 000 štuk;
Miedna-nikielevuju — naminałam 1 rubiel, vahoj 19,50 h, dyjamietram 37,00 mm, tyražom 3 000 štuk.
Maniety majuć formu koła, ź piaredniaha i advarotnaha bakoŭ — kant, jaki vystupaje pa akružnaści. Bakavaja pavierchnia maniet z nasiečkaj.
Na aviersie: uviersie — reljefny vidarys Dziaržaŭnaha hierba Respubliki Biełaruś, pad im nadpis: RESPUBŁIKA BIEŁARUŚ; u centry — cytata z paślasłoŭja da «Časasłoŭca» z «Małoj padarožnaj knižki», vydadzienaj F. Skarynam (dla srebnaj maniety cytata vykanana z vykarystańniem technałohii tempapiačać), pad joj — dekaratyŭny elemient z «Małoj padarožnaj knižki»; źleva i sprava — frahmienty ilustracyj z «Małoj padarožnaj knižki», u pole jakich upisany: źleva — hod čakanki, sprava — proba spłavu (na srebnaj); unizie — naminał: 20 RUBLOŬ (na srebnaj) i 1 RUBIEL (na miedna-nikielevaj).
Na reviersie: u centry — vyjava liku Božaj Maci ź niemaŭlom z «Małoj padarožnaj knižki» na fonie vidu horada Vilni sa staradaŭniaj hraviury XVI stahodździa z atłasa H. Braŭna; źleva i sprava — frahmienty dekaratyŭnych elemientaŭ z «Małoj padarožnaj knižki»; unizie — nadpis «Vilnia»; uviersie — nadpis pa kruzie «ŠLACH SKARYNY».
Maniety adčakanieny ŭ ZAT «Litoŭski manietny dvor». Srebnyja i miedna-nikielevyja maniety vyrableny jakaściu «ancyrkulejted» z aksidavańniem.
Vypuščanyja ŭ abaračeńnie maniety źjaŭlajucca zakonnym płaciežnym srodkam Respubliki Biełaruś i abaviazkovyja da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ, padkreślivajecca ŭ paviedamleńni Nacbanka.
