Vajarka ź biełaruskaha śpiecnazu vyjhrała mižnarodny turnir
U Minsku zaviaršyŭsia IX Mižnarodny konkurs vajskova-prafiesijnaha majsterstva vajennasłužačych «Voin Sadružnaści», na jakim biełarusy zaniali šerah pryzavych miescaŭ, paviedamlaje pres-słužba Minabarony Biełarusi.
Siarod žančyn najlepšaj stała vajennasłužačaja sił śpiecyjalnych apieracyj, jafrejtar kantraktnaj słužby Hanna Kavaleŭskaja, jakaja była pieršaj u čatyroch konkursach ź piaci. Dziaŭčyna pieramahła ŭ etapach «Erudyt», «Snajpier», «Atlet» i «Prafiesijanał».
Siarod mužčyn pieršaje miesca zaniaŭ pradstaŭnik kamandy Kazachstana staršy siaržant Arynbiek Sandybiekaŭ. Srebra i bronza znoŭ ža ŭ biełarusaŭ - staršyny Arcioma Pušnieva i staršaha siaržanta Siarhieja Čarnova.
Pieramožcam byli ŭručanyja miedali, dypłomy, kaštoŭnyja pryzy i pamiatnyja padarunki.
Ministr abarony Biełarusi hienierał-lejtenant Andrej Raŭkoŭ adznačyŭ, što konkurs «Voin Sadružnaści» staŭ nahladnym śviedčańniem raźvićcia i ŭmacavańnia supracoŭnictva pamiž uzbrojenymi siłami dziaržaŭ-udzielnic SND.
