Dva hady čakańnia i dzieviać dzion pracy. U Homieli na ścianie ŭniviersiteta namalavali partret Skaryny
Homielski dyzajnier-mastak Dźmitryj Kaźluk ideju svajho art-prajekta z vyjavaj pieršaha biełaruskaha knihadrukara Francyska Skaryny prapanavaŭ kiraŭnictvu adnajmiennaha univiersiteta ŭ 2015 hodzie. Hrošy na materyjały dla hrafici było vyrašana sabrać z dapamohaj sacyjalnaj kraŭdfandynhavaj placoŭki, ale nieabchodnaj sumy sabrać nie ŭdałosia. Tady hamialčuk vyrašyŭ stvaryć malunak svaimi siłami, častkova z hrašyma dapamoh VNU.
Na stvareńnie hrafici syšło dzieviać dzion i 60 kh farby. Užo padčas pracy Dźmitryj daviedaŭsia, što 6 žniŭnia - simvaličny dla biełaruskaha knihadrukavańnia dzień. Tamu jon staraŭsia paśpieć skončyć svoj prajekt mienavita da hetaj daty. U vyniku ryštavańni byli prybranyja 4 žniŭnia, jakraz u dzień naradžeńnia samoha Dźmitryja.
— Partret Francyska Skaryny zrobleny ŭ aŭtarskaj technicy. Heta niešta siaredniaje pamiž ałoŭkavym malunkam i hraviuraj. Vykarystoŭvałasia śpiecyjalnaja fasadnaja farba, jakoj nie strašnyja sonca ci doždž, a značyć, malunak budzie daŭhaviečnym, — raspavioŭ hamialčuk.
Źmicier nie chavaje, što vielmi rady tamu, što prajekt adbyŭsia i jaho ŭdałosia realizavać nasupierak usiamu. Akramia taho, u bližejšaj budučyni homielski dyzajnier choča namalavać partrety Janki Kupały, Jakuba Kołasa i Maksima Tanka na ścianie adnoj z homielskich navučalnych ustanoŭ.
— U mianie jość hatovy prajekt dla Biełaruskaha dziaržuniviersiteta transpartu, dla nabiarežnaj Soža ŭ centralnym parku i łodačnaj stancyi. Ale pakul nie chočacca zabiahać daloka napierad, bo u kožnaha padobnaha prajekta jość kuča uzhadnieńniaŭ — pačynajučy ad hałoŭnaha mastaka i hałoŭnaha architektara horada i zakančvajučy bałansatrymalnikami abjekta. I, biezumoŭna, nie varta zabyvać pra finansavuju častku padčas realizacyi, — padsumavaŭ Źmicier.