U Puchavičach žančyna abakrała pjanuju siabroŭku ŭ łaźni
U ahraharadku Puchavičy 33-hadovaja žančyna abakrała svaju znajomuju, kali taja prylehła adpačyć, paviedamlaje UUS Minabłvykankama.
Złačynstva było ŭčynienaje ŭ łaźni, kudy złamyśnica pryjšła pa zaprašeńni siabroŭki. Žančyny nie tolki mylisia, ale i vypivali ŭ kole inšych znajomych.
uvd-mo.gov.by
Uviečary haspadynia doma pakinuła kampaniju i ŭ stanie mocnaha ałkaholnaha apjanieńnia zasnuła ŭ pryłaźniku. Hetym skarystałasia hościa, źniaŭšy ź jaje šyi załaty łancužok i kryžyk z šyi, a taksama dva piarścionki z ruki na ahulnuju sumu 700 rubloŭ.
Ačomaŭšysia, paciarpiełaja nie adrazu zrazumieła, kudy źnikli jaje kaštoŭnaści, tamu zajaviła ab prapažy ŭ milicyju tolki praź niekalki dzion.
Apieratyŭniki vyjavili siarod udzielnikaŭ pjanaj kampanii padazravanuju, adnak juvielirnyja vyraby žančyna paśpieła zbyć. Jak miarkujecca, zołata jana zakłała ŭ adnym sa staličnych łambardaŭ, a atrymanyja hrošy vydatkavała na zabavy.
Ciapier u dačynieńni da padazravanaj raspačataja kryminalnaja sprava pa č. 1 art. 205 KK Biełarusi («Kradziež»). Z ulikam taho, što žančyna dva miesiacy tamu vyzvaliłasia ź miescaŭ pazbaŭleńnia voli, dzie adbyvała pakarańnie za kradziež, joj pahražaje da 3 hadoŭ źniavoleńnia.
