Pad Vaŭkavyskam pjany lichač sychodziŭ ad pahoni i prataraniŭ mašynu ź dziećmi
Dva dziciaci apynulisia ŭ balnicy z-za dziejańniaŭ pjanaha kiroŭcy na «Aŭdzi», paviedamili ŭ UDAI UUS Hrodzienskaha abłvykankama.
gaigrodno.by
Milicyjantam paviedamili, što z p. Krasnasielski ŭ bok Vaŭkavyska ruchajecca mierkavana niećviarozy kiroŭca. Nieŭzabavie supracoŭniki DAI vyjavili padazrony «Aŭdzi». Kiroŭca na sihnały ab spynieńni nie adreahavaŭ i pasprabavaŭ uciačy ad pieraśledu.
«Kala v. Ličycy lichač niaŭdała pajšoŭ na abhon. U vyniku sutyknieńnia spadarožny «Folksvahien» vylecieŭ u kiuviet. Na zadnim siadzieńni mašyny jechali babula i dvoje ŭnukaŭ», — raspaviali ŭ DAI. Dziaciej — dziaŭčynku i chłopčyka 10 i 14 hadoŭ — špitalizavali.
Za admovu ad miedahladu, nievykanańnie nieadnarazovych patrabavańniaŭ ab spynieńni i akazańnie niepadparadkavańnia na złamyśnika, jaki mieŭ vidavočnyja prykmiety ałkaholnaha apjanieńnia, składzienyja pratakoły. Akramia taho, pavodle pastanovy suda, lichač praviadzie 10 sutak u izalatary časovaha ŭtrymańnia.