Nastupstvy ŭčorašniaj niepahadzi: zahinuła dzicia, 19 dachaŭ sarvała, 519 viosak bieź śviatła
Jak paviedamlaje pres-słužba Ministerstva pa nadzvyčajnych zdareńniach, padčas prachodžańnia navalničnaha frontu z paryvami vietru (da 23 m/s) paciarpieli 24 nasielenyja punkty ŭ 9 rajonach Viciebskaj, Hrodzienskaj i Minskaj abłaściej. Paškodžany dachi 19 žyłych damoŭ, 3 vytvorčych i 28 sielskahaspadarčych budynkaŭ. Zafiksavanyja 14 vypadkaŭ padzieńnia dreŭ, u vyniku jakich paškodžany 5 lehkavikoŭ.
A 15.13 2 žniŭnia pastupiła paviedamleńnie pra padzieńnie dreva na mikraaŭtobus (unutry znachodzilisia 2 darosłych i 5 dziaciej) kala vioski Kobuzi Vilejskaha rajona. Zahinuła dziaŭčynka 2006 hoda naradžeńnia.
A 19.30 hetaha ž dnia pastupiła paviedamleńnie ab paškodžańni lesu na płoščy 30 ha kala vioski Zajcy Červieńskaha rajona Minskaj vobłaści.
Pavodle «Biełenierha», na praciahu sutak parušałasia elektrazabieśpiačeńnie 519 nasielenych punktaŭ.
