Facebook vypuścić hibryd razumnaj kałonki i płanšeta
Karparacyja Marka Cukierbierha maje namier kankuravać z Apple HomePod i Google Home, pieradaje Bloomberg.
Kiraŭnik Facebook i adzin z najbahaciejšych ludziej u śviecie Mark Cukierbierh
U ekśpierymientalnaj łabaratoryi sacyjalnaj sietki testujuć dźvie novyja pryłady. Pieršaja — anałah razumnych kałonak, užo dastupnych na rynku (nakštałt Echo ad Amazon): ź mikrafonam, dynamikami i ŭłasnym hałasavym asistentam. Druhoje — viertykalnaja padstaŭka z sensarnym ekranam dyjahanallu ad 13 da 15 calaŭ, jak u noŭtbukaŭ. Jašče adna pieravaha — kamiera z šyrokavuholnym abjektyvam. Hadžet pryznačany dla videazvankoŭ.
Ad idei ŭłasnaj płatformy ŭ Facebook pakul admovilisia, tamu kałonki pracujuć na Android.
Śvietu abodva hadžety pakažuć nie raniej, čym uviesnu 2018 hoda na kanfierencyi raspracoŭnikaŭ F8. Najprostuju viersiju aceńvajuć u $100 (naprykład, za HomePod ad Apple prosiać $350), a kałonka z dysplejem abyjdziecca ŭ niekalki sotniaŭ. Ale jość vierahodnaść, što bližej da relizu ad madeli biez dyspleja admoviacca i zasiarodziać siły na rekłamie starejšaj.
