Erdahan vinavacić Hiermaniju ŭ špijanažy
Prezident Turcyi Redžep Taip Erdahan u suviazi z aryštam niamieckaha pravaabaroncy Pietera Štojdniera abvinavaciŭ Hiermaniju ŭ špijanažy, piša DW.
«Zachad choča, kab jaho ahienty svabodna razhulvali pa našaj krainie, nanosiačy nam škodu», — zajaviŭ kiraŭnik tureckaj dziaržavy ŭ aŭtorak na pasiadžeńni parłamienckaj frakcyi svajoj Partyi spraviadlivaści i raźvićcia.
Praŭradavyja tureckija haziety źviazvajuć zatrymanych 5 lipienia pravaabaroncaŭ sa špijonskaj dziejnaściu. Siarod ich, akramia Štojdniera, adzin paddany Šviecyi i 8 tureckich hramadzian, u tym liku kiraŭnica miascovaha adździaleńnia mižnarodnaj arhanizacyi Amnesty International.
«Tyja, chto kažuć, što orhany justycyi pavinny zajmacca terarystami, jakich jany ŭpuskajuć u svaju krainu, raździmajuć dypłamatyčny kryzis, kali my łovim ich ahientaŭ pa haračych śladach», — vykazaŭ svajo abureńnie Erdahan. Turcyja abvinavačvaje Bierlin u padtrymcy kurdskich i levych arhanizacyj, a taksama asob, jakich Ankara padazraje ŭ datyčnaści da sproby putču. Fiederalny ŭrad abviarhaje hetyja abvinavačvańni.
Turecki prezident taksama pieraściaroh ad uviadzieńnia sankcyj suprać jaho krainy. «Kali jany dumajuć napałochać Turcyju pahrozami i handlovymi abmiežavańniami, pavinny ličycca z tym, što sami zapłaciać bolš vysokuju canu», — pryvodzić jaho słovy dziaržaŭnaje ahienctva Anadolu.
