Pamior viciebski krajaznaŭca Aleh Kuržałaŭ
Pajšoŭ z žyćcia Aleh Vasiljevič Kuržałaŭ, adzin sa stvaralnikaŭ sučasnaj sistemy školnaha krajaznaŭstva na Viciebščynie.
Fota Taćciany Maćviejevaj
Aleh Vasiljevič naradziŭsia ŭ kastryčniku 1953 hoda. Vučyŭsia ŭ viciebskaj SŠ №2, u 1975 hodzie skončyŭ histaryčny fakultet Biełaruskaha dziaržaŭnaha ŭniviersiteta.
U 1978-1984 hadach pracavaŭ adkaznym sakratarom viciebskaj arhanizacyi Biełaruskaha tavarystva achovy pomnikaŭ. Aktyŭna vystupaŭ suprać źniščeńnia histaryčnaj zabudovy na vulicy Lenina, staroj apteki na płoščy Svabody. U 1984 hodzie ŭparta adstojvaŭ budynak Pakroŭskaj carkvy, užo padrychtavany da razbureńnia, za što byŭ zvolnieny z pracy.
Aktyŭny ŭdzielnik viciebskaha historyka-kulturnaha tavarystva «Uzhorje».
U 1995-2011 hadach pracavaŭ zahadčykam adździeła biełarusaznaŭstva i krajaznaŭstva u abłasnym abjadnańni pa arhanizacyi pazaškolnaj raboty. Zdoleŭ adšukać i arhanizavać dla sumiesnaj stvaralnaj pracy piedahohaŭ-krajaznaŭcaŭ praktyčna va ŭsich kutočkach Viciebskaj vobłaści. Ładziŭ sieminary, tvorčyja konkursy, krajaznaŭčyja vandroŭki. Dapamahaŭ u stvareńni i raźvićci školnych muziejaŭ, dapamahaŭ vyznačycca z najbolš vyjhryšnaj stratehijaj pracy krajaznaŭčych kłubaŭ, hurtkoŭ i asobnych junych daśledčykaŭ łakalnaj historyi. Inicyjavaŭ i časta ŭłasnaručna redahavaŭ pieršyja krajaznaŭčyja dapamožniki, jakija zaraz vykarystoŭvajucca ŭ škołach.
Niastomna, nie škadujučy vysiłkaŭ, pracavaŭ dla taho, kab žychary Viciebščyny viedali svaje radavody, los svaich vulic, viosak, miastečak i haradoŭ. Svaju praŭdzivuju historyju.
Raźvitańnie z Aleham Vasiljevičam Kuržałavym adbudziecca 26 lipienia ŭ 12:15 u rytualnaj zale «Cichaja abiciel» (Viciebsk, vulica Pietrusia Broŭki, 50).
