Rasiju abaviazali vypłacić 6 tysiač jeŭra pa spravie ab žorstkim abychodžańni z asudžanym za zabojstva Niamcova
Jeŭrapiejski sud pa pravach čałavieka prysudziŭ 6 tysiač jeŭra Temirłanu Eskierchanavu, asudžanamu za zabojstva Barysa Niamcova.
Eskierchanaŭ, a taksama inšyja fihuranty spravy, braty Anzor i Šadzid Hubašavy, skardzilisia na ŭmovy ŭtrymańnia ŭ maskoŭskim SIZA i pry transparciroŭcy.
Raniej advakaty Hubašavych i Eskierchanava zajavili ab dasudovym pahadnieńni z Rasijaj z nahody skarhaŭ u JESPČ. Eskierchanavu Miniust prapanavaŭ kampiensacyju 6 tysiač jeŭra, a bratam Hubašavym - pa 6,5 tysiačy.
JESPČ adchiliŭ skarhi Hubašavych, bo jany raskazali paramietry dasudovaha pahadnieńnia z rasijskim uradam.
Pa infarmacyi «Kommiersanta», skarhi na žorstkaje abychodžańnie ŭ JESPČ padali i inšyja fihuranty spravy ab zabojstvie Niamcova Zaur Dadajeŭ i Chamzat Bachajeŭ.
U lipieni sud pryznaŭ Dadajeva vinavatym ŭ niepasrednym vykanańni zabojstva Niamcova, jaho asudzili na 20 hadoŭ strohaha režymu. Jaho zmoŭščyki atrymali ad 11 da 19 hadoŭ.