Navukoŭca adpraviŭ Pucina ŭ carkvu pa infarmacyju ab Vialikim vybuchu
Prezident Rasii cikavicca fundamientalnymi pytańniami kasmałohii: Vialikim vybucham, «stvareńniem Suśvietu i Soniečnaj sistemy». Pra heta prezident raspavioŭ, adkazvajučy na pytańni vychavancaŭ adukacyjnaha centra «Siryus», piša Indykatar.
Pucin raspavioŭ pra toje, jak navukoŭcy z Akademii navuk čytajuć jamu i inšym členam Savieta biaśpieki lekcyi (u farmacie hutarki) pra fundamientalnyja pytańni kasmałohii:
«Niekalki hadoŭ tamu ja zaprasiŭ navukoŭcaŭ z Akademii navuk pravieści kurs hutarak z členami Savieta biaśpieki. Maje kalehi sa mnoj nie asabliva spračalisia, ale adčuvałasia, što im nie chočacca hublać čas na abstraktnyja rečy. A potym usie zachapilisia hetymi raspoviedami!»
Dalej, pa słovach Pucina, navukoŭcy nie zmahli dać adkaz na pytańnie pra toje, što było da Vialikaha vybuchu:
«Kali my padyšli da hetaha momantu, ja čałavieka z Akademii navuk pytajusia: pasłuchajcie, tak mahčyma? Tak, kaža, napeŭna, tak usio i adbyvajecca. Ja kažu: a adkul uziałasia pieršapačatkovaja hetaja masa? Jon na mianie ŭvažliva pahladzieŭ i kaža: a heta nie da nas pytańnie, pakul my adkazu nie viedajem. Heta da baciuški, kali łaska».