Pradstaŭleny prajekt kaśmičnaha hatela dla turystaŭ
Niadaŭna NASA pravodziła konkurs pa raspracoŭcy prydatnych dla žyćcia abjektaŭ na kalaziamnoj arbicie, pieramohu ŭ jakim atrymała kamanda Masačusieckaha technałahičnaha instytuta, jakaja pradstaviła prajekt kaśmičnaha hatela.
Prajekt nazvali Managed, Reconfigurable, In-space Nodal Assembly (Marina). Pa zadumcy stvaralnikaŭ prajekta, kaśmičny hatel budzie składacca z vaśmi nadzimanych modulaŭ, raźmieščanych pa kruzie padobna pialostkam.
Miarkujecca, što hatel u budučyni zamienić Mižnarodnuju kaśmičnuju stancyju i dazvolić NASA skaracić vydatki za košt prytoku kaśmičnych turystaŭ. Akramia taho, kolkaść modulaŭ z časam možna budzie pavialičyć i zdavać ich u arendu inšym kampanijam.
Raspracoŭščyki kancepta kažuć, što ŭ hateli budzie bar, restaran, zała dla zaniatki fitnesam, numary ź pieršakłasnym absłuhoŭvańniem i inšaje. Ale hałoŭnaje — heta čaroŭnyja vidy, jakija buduć adkryvacca naviedvalnikam ź vielizarnych iluminataraŭ.
