Navukovy kiraŭnik Pucina staŭ dalaravym miljarderam
Rektar Sankt-Pieciarburhskaha hornaha ŭniviersiteta Uładzimir Litvinienka, pad kiraŭnictvam jakoha Uładzimir Pucin abaraniŭ ŭ 1997 hodzie kandydackuju dysiertacyju, staŭ dalaravym miljarderam.
Jak pišuć «Viedomosti», pa stanie na 21 lipienia 2017 hoda cana pakieta akcyj u kampanii «Fosahra», jaki naležyć Litvinienku, dasiahnuła 59,9 miljarda rubloŭ, što składała 1 miljard 10 miljonaŭ dalaraŭ.
U krasaviku 2017 hoda Litvinienka davioŭ svaju dolu ŭ «Fosahra» da 19,35% akcyj, śćviardžaje hazieta, adznačajučy taksama, što svaje pieršyja akcyi ŭ kampanii rektar Sankt-Pieciarburhskaha hornaha ŭniviersiteta atrymaŭ za padtrymku spravy «JUKASa».
Uładzimir Litvinienka šmat hadoŭ zapar uznačalvaje śpis rektaraŭ rasijskich VNU z samym vysokim prybytkam, adznačaje hazieta. Tak, u 2016-m hodzie Litvinienki zadekłaravaŭ prybytak u 195,5 miljona rubloŭ, u toj čas jak prybytak nastupnaha za im u śpisie rektara RANCHiHS (Rasijskaja akademija narodnaj haspadarki) Uładzimira Mau skłaŭ 64,5 młn rubloŭ.
U lik aktyvaŭ, jakija naležać Litvinienku abo prypisvajucca jamu i jaho siamji, u rozny čas uvachodzili firmy, što śpiecyjalizujucca na vytvorčaści špałaŭ i ŭhnajeńniaŭ, drevaapracoŭcy. Akramia taho, paviedamlałasia, što Litvinienka vałodaje elitnaj nieruchomaściu ŭ Sankt-Pieciarburhu.
A tema kandydatskaj dysiertacyi Pucina była takaja: «Stratehičnaje płanavańnie repradukcyi minieralna-syravinnaj bazy rehijona va ŭmovach farmiravańnia rynkavych adnosinaŭ: Sankt-Pieciarburh i Leninhradskaja vobłaść».
