Parłamient Małdovy zapatrabavaŭ ad Rasii vyvieści vojski z Prydniastroŭja
Parłamient Małdovy prahałasavaŭ siońnia za pryniaćcie dekłaracyi ab vyvadzie rasijskich vojskaŭ z terytoryi Prydniastroŭja. Za dekłaracyju prahałasavaŭ 61 deputat.
Zhodna z dakumientam, znachodžańnie na terytoryi krainy rasiejskich vojskaŭ ŭjaŭlaje saboj pahrozu dla suvierenitetu, cełasnaści i niezaležnaści Respubliki Małdova, pieradaje NOI.md.
«Dysłakacyja na terytoryi Małdovy značnaj kolkaści zbroi i bojeprypasaŭ z Rasijskaj Fiederacyi źjaŭlajecca pastajannaj pahrozaj u adras krainy. Parłamient zaklikaje mižnarodnych pasrednikaŭ i naziralnikaŭ inicyjavać palityčnyja dyskusii pra pieratvareńnie dziejučaha miratvorčaha miechanizmu ŭ hramadzianskuju misiju ź mižnarodnym mandatam. My zaklikajem Rasijskuju Fiederacyju zaviaršyć vyvad vojskaŭ i bojeprypasaŭ z Prydniastroŭja, źviartajemsia da ŭsich mižnarodnych arhanizacyj z prośbaj padtrymać inicyjatyvu, nakiravanuju na paćviardžeńnie suvierenitetu i dziaržaŭnaści Respubliki Małdova», skazana ŭ tekście dekłaracyi.
