Hiermanija abviaściła ab źmienie kursu ŭ adnosinach z Turcyjaj
U suviazi z aryštami niamieckich žurnalistaŭ i pravaabaroncaŭ ministr zamiežnych spraŭ Hiermanii Zihmar Habryel abviaściŭ ab źmienie źniešniepalityčnaha kursu FRH u dačynieńni da Turcyi, paviedamlaje DW.
Pa słovach ministra, buduć pierahledžanyja ŭmovy, na jakich Hiermanija pradastaŭlaje Turcyi inviestycyjnyja kredyty i ekanamičnuju dapamohu, naprykład, u jakaści dziaržaŭnych harantyj pad kredyty. Taksama varta pierahledzieć pradastaŭleńnie dapamohi Jeŭrasajuza ŭ ramkach padrychtoŭki Turcyi da ŭstupleńnia ŭ ES, skazaŭ Habryel. Akramia hetaha, MZS Hiermanii robić bolš žorstkimi svaje rekamiendacyi ab biaśpiecy dla hramadzian FRH, jakija žadajuć naviedać Turcyju.
Adnosiny z Turcyjaj «niemahčyma raźvivać jak raniej», zajaviŭ Habryel. Pa jaho słovach, na kožnaje novaje abvastreńnie z boku Ankary ŭrad Hiermanii imknuŭsia reahavać spakojna ŭ nadziei, što tureckija ŭłady pačnuć dziejničać razumna. I kožny raz u Bierlinie byli «rasčaravanyja».
Habryel nahadaŭ pra niadaŭni aryšt u Stambule niemca Pietera Štojtniera i jašče piaci pravaabaroncaŭ, jakich tureckija ŭłady abvinavačvajuć u padtrymcy terarystyčnaj arhanizacyi. Niekalki miesiacaŭ tamu pa takim ža abvinavačańni ŭ Turcyi byŭ aryštavany karespandent niamieckaha vydańnia Die Welt Deniz Judžeł, jaki da hetaha času znachodzicca ŭ źniavoleńni.
Drukujecca ŭ miežach śpiecyjalnaj rubryki «Naviny Hiermanii»
