Prachadny na vodazabieśpiačeńnie ŭ BNTU — 130 bałaŭ, zatoje na prahramavańnie ŭ BDUIR — 380, na lačebny ŭ Miedzie — 360
Abituryjenty imknucca ŭ prafiesii z vysokimi zarobkami.
Biełaruskija studentki. Fota Siarhieja Hudzilina.
U paniadziełak VNU skončyli prymać dakumienty na biudžet.
Samy nizki bał u BNTU — na vodazabieśpiačeńnie, vodaadviadzieńnie i achovu vodnych resursaŭ (fakultet enierhietyčnaha budaŭnictva) — 130 (letaś — 186), piša Tut.by.
«Mietałurhičnaja vytvorčaść i materyjałaapracoŭka» (miechanika-technałahičny fakultet) — 137 bałaŭ (letaś 125),
«prafiesijnaje navučańnie» (mašynabudavańnie) Inžynierna-piedahahičnaha fakulteta — 142 bały (letaś — 146).
A voś vysoki konkurs u BNTU — heta «biznes-administravańnie» — 344 bały.
A voś u Biełaruskim dziaržaŭnym univiersitecie infarmatyki i radyjoelektroniki na «infarmatyku i technałohii prahramavańnia» prachadny bał vyras z 373 da 380.
U Biełaruskim dziaržaŭnym piedahahičnym univiersitecie — samy vysoki prachadny bał — na łahapiedyju (340, hod tamu 329) i psichałohiju (334, hod tamu 276).
Na fiziku i infarmatyku — 192 bały (ale hod tamu — 143), daškolnuju adukacyju — 195 (171).
U Biełaruskim miedycynskim univiersitecie samy vysoki prachadny bał składaje na farmaceŭtyku — 376 bałaŭ (letaś — 365) i stamatałohiju — 375 (letaś 368).
Bał na samy masavy, lačebny fakultet, vyras z 347 da 360.
Samy nizki — vajenna-miedycynskaja śpiecyjalizacyja (Uzbrojenyja siły) — 289 bałaŭ (hod tamu — 295).
U Linhvistyčnym univiersitecie samy vysoki prachadny bał — na pierakładčycki fakultet (anhlijskaja mova + druhaja zamiežnaja), tut prachadny bał — 378 (hod tamu 371), na kitajskuju movu z druhoj zamiežnaj — 366 bałaŭ.
Kab navučacca ispanskaj movie treba było nabrać 256 bałaŭ.
