Zisieru i Čarniaŭskaj zabaranili śpiavać u samalocie «Biełavija»
Zasnavalnik partała tut.by Jury Zisier padzialiŭsia historyjaj: u samalocie kampanii Biełavija jon razam žonkaj Julijaj Čarniaŭskaj i dvuma inšymi pasažyrami pačali śpiavać. Adnak ściuardesa stroha zabaraniła takija pavodziny.
Pa słovach Zisiera, śpiavali ŭkrainskija narodnyja pieśni. Pryčym, byli absalutna ćviarozyja i śpiavali nie hučna.
«Heta kulturałahičnaja roźnica — u Biełarusi kultura abmiežavańniaŭ i paradku, a va Ukrainie — kultura mahčymaściaŭ i chaosa. I ŭ kožnaj jość svaje niedachopy i svaje pieravahi», — prakamientavaŭ hety vypadak Jury Zisier.
U kampanii «Biełavija» patłumačyli, čamu zabaranili śpiavać.
«Za 10 chvilin pierad pasadkaj bortpravadnica pravieryła hatoŭnaść pasažyraŭ: ci pryšpililisia jany, ci padniali śpinki kresłaŭ viertykalna. I jana paprasiła pasažyraŭ na apošnich kresłaŭ pierastać śpiavać, bo pasadka — krytyčny etap palota, dzie ŭsie pavinny być skancentravany na vykonvańni praviłaŭ biaśpieki, i pasažyry, i bortpravadniki. Bortpravadniki pavinny dakładna razumieć, što adbyvajecca. Pasažyry pavinny reahavać na kamandy bortpravadnikoŭ, a hetyja kamandy možna pačuć tolki kali ŭ sałonie cišynia. — paviedamiła «Našaj Nivie» Volha Ščuko, pres-sakratar «Biełavija». - Padčas palotu za śpievy nichto nie rabiŭ zaŭvah. Nidzie ŭ praviłach nie prapisana, ci možna śpiavać u samalocie, ci nielha, ale heta pytańnie pavahi da pasažyraŭ».
