Apublikavana VIDEA incydentu ź biełaruskaj u rymskim mietro
Italjanskija ŚMI apublikavali videa incydentu ź biełaruskaj u rymskim mietro. 11 lipienia žančynu zacisnuła dźviaryma vahona i praciahnuła pa pieronie. Miarkujučy pa zapisach z kamier nazirańnia, vidavočcy nie advažylisia dapamahčy žančynie.
Videa apublikavała vydańnie Corriere Della Sera. Vidać, jak pasažyrka ŭ momant zakryćcia dźviarej uskokvaje ŭ vahon adnoj nahoj, a potym idzie nazad. Jaje sumki i ruka akazvajucca zacisnutyja.
Adzin ź vidavočcaŭ chapaje jaje za ruku, ale nieŭzabavie adpuskaje (ci žančyna jaho sama adšturchoŭvaje). Astatnija mitusiacca na płatformie i tolki machajuć rukami mašynistu, ale biespaśpiachova. Tym časam ciahnik ciahnie žančynu da tunela, a ludzi tolki chapajucca rukami za hałavu.
Dźviery ledź rastulilisia i biełaruska zmahła vyzvalicca. Viadoma, što mašynist spyniŭsia tolki na nastupnaj stancyi, a sistema nie sihnalizavała jamu pra incydent.
Nahadajem, incydent adbyŭsia 11 lipienia na stancyi Termini ŭ Rymie. U vyniku 43-hadovaja biełaruska była špitalizavana z šmatlikimi pierałomami.