U Saudaŭskaj Aravii praviarajuć videa z žančynaj u spadnicy FOTAFAKT
Ułady Saudaŭskaj Aravii pačali rasśledavańnie ŭ suviazi z publikacyjaj u sacsietkach videa maładoj dziaŭčyny, jakaja hulaje ŭ spadnicy i karotkim topie pa staražytnym forcie Ušajkir.
Dziaŭčyna na videa — saudaŭskaja madel Chułud.
Videa vyklikała haračyja sprečki ŭ sacsietkach: niekatoryja saudaŭcy zaklikali jaje aryštavać za parušeńnie isłamskich normaŭ, u toj čas jak inšyja vystupili ŭ abaronu dziaŭčyny i pachvalili jaje za advahu.
U Saudaŭskaj Aravii pravy žančyn mocna abmiežavanyja i zasnavanyja na patryjarchalnaj formie šaryjatu.
Žančyny tut abaviazany nasić hałaŭnyja chustki i abai — svabodnaje adzieńnie, jakoje zakryvaje žančynu z hałavy da noh.
Im taksama zabaroniena vadzić mašynu i znachodzicca ŭ kampanii mužčyn, jakija nie źjaŭlajucca ich svajakami.
Na videa, pieršapačatkova apublikavanym u Snapchat, źniataja Chułud, jakaja idzie pa vuzkaj vułačcy forta staražytnaj vioski Ušajkir. Hetaja vioska — pomnik daŭniny, jana raźmieščana ŭ pravincyi Nadžy, prykładna za 155 km na poŭnač ad Er-Ryjada.
Nadž — adzin z najbolš kansiervatyŭnych rehijonaŭ Saudaŭskaj Aravii. Tut u kancy 18 stahodździa naradziŭsia zasnavalnik vachabizmu, askietyčnaha kirunku sunickaha isłamu, Muchamad ibn Abd al-Vachab.
