Žychar Hrodna prajechaŭ marafon na draŭlanym rovary FOTAFAKT
Žychar Hrodna Andrej Habinski pieraadoleŭ 7-kiłamietrovuju dystancyju viełamarafonu «Susiedzi» na Aŭhustoŭskim kanale na draŭlanym rovary, pieradaje BIEŁTA.
Unikalny rovar ručnoj zborki amal całkam vykanany z dreva: ź jasieniu zroblenyja rama, piaredniaja viłka, rul, draŭlanyja navat pyrskaviki nad kołami. Praŭda, zrobleny jon pa tradycyjnaj schiemie i ŭ adroźnieńnie ad sučasnych rovaraŭ nie abstalavany sistemaj pieraklučeńnia režymaŭ jazdy.
«Niama ŭ im i amartyzataraŭ, tamu pajezdka pa biezdaražy dałasia fizična nialohka. Ale sam rovar z vyprabavańniem spraviŭsia hodna», — raspavioŭ jaho uładalnik.
Vyrabili rovar pa indyvidualnaj zamovie na adnym ź biełaruskich pradpryjemstvaŭ. U Hrodnie heta pieršaja padobnaja madel, dy i ŭ krainie ich ciapier usiaho niekalki štuk.
