U Techasie supracoŭnik banka zachras unutry bankamata na dźvie hadziny
Žychary horada Korpus-Kryści, štat Techas (ZŠA), byli vielmi napałochanyja krykami ab dapamozie, jakija danosilisia ź nietraŭ bankamata. Jak akazałasia, prasiŭ ab dapamozie čałaviek, jaki akazaŭsia začynienym unutry pamiaškańnia dla absłuhoŭvańnia terminała, paviedamlajuć infarmahienctvy.
Ramontnik prybyŭ dla absłuhoŭvańnia bankamata Bank of America. Kali jon źmianiŭ ŭsie zamki, mocny paryŭ vietru začyniŭ dźviery, i mužčyna akazaŭsia adrezany ad srodkaŭ suviazi, klučoŭ i inšych pradmietaŭ unutry nievialikaha pamiaškańnia.
Jon prasiadzieŭ pad zamkom kala hadziny i, narešcie, prydumaŭ płan vyratavańnia. Adzinaj adtulinaj, jakaja źviazvała jaho z vonkavym śvietam, była ščylina dla vydačy čekaŭ bankamatam. Jon uziaŭ vykarystanuju kvitancyju i prapichnuŭ jaje ŭ ščylinu, napisaŭšy ad ruki doŭhaje pasłańnie z prośbaj patelefanavać bosu.
Adnak klijenty banka śpiašalisia i nie źviartali ŭvahu na toje, što na advarotnym baku kvitancyi niešta napisana. Tady mužčyna staŭ kryčać ab dapamozie, imknučysia maksimalna nablizicca da ščyliny. Niekatoryja klijenty prymali heta za rozyhryš i ŭciakali.
Adzin z klijentaŭ zacikaviŭsia dziŭnymi «hałasami» i staŭ prysłuchoŭvacca. Zatym jon źviarnuŭ uvahu na skamiečanyja čeki z prośbaj ab dapamozie i vyklikaŭ palicyju. Pravaachoŭniki, jakija prybyli na miesca, vyzvalili pałonnaha.
Mužčyna pravioŭ pad zamkom kala dźviuch hadzin, i mieddapamoha jamu nie spatrebiłasia.
