U Minsku adkryŭsia vizavy centr Ispanii
Vizavy centr Ispanii ŭračysta adkryŭsia siońnia ŭ Minsku pa adrasie vuł. Kalvaryjskaja, 42, pieradaje BIEŁTA.
Jak adznačyŭ na cyrymonii adkryćcia pasoł Biełarusi ŭ Francyi i Ispanii pa sumiaščalnictvie Pavieł Łatuška, praca vizavaha centra stvoryć dadatkovyja mahčymaści dla raźvićcia mižčałaviečych kantaktaŭ pamiž Ispanijaj i Biełaruśsiu. «My majem na ŭvazie i aktyvizacyju ekanamičnych uzajemaadnosin, humanitarnaha abmienu, turyzmu. Zrobleny značny krok dla raźvićcia adnosin pamiž krainami», — skazaŭ jon.
Pasoł Ispanii ŭ Rasii i Biełarusi pa sumiaščalnictvie Ihnasia Ibańjes Rubio vykazaŭ upeŭnienaść u tym, što pasłuhi novaha vizavaha centra Ispanii buduć vysakajakasnymi — dla taho, kab z kožnym dniom pavialičvałasia kolkaść biełaruskich turystaŭ, jakija nakiroŭvajucca ŭ Ispaniju. «Chočam, kab u Ispaniju pryjazdžała bolš biełaruskich biznesmienaŭ», — dadaŭ jon.
Prymać dakumienty na vizu ŭ novym centry pačali jašče da aficyjnaha adkryćcia — 30 červienia, z hetaha času byli aformlenyja dakumienty na vydaču kala 150 viz.
Akramia vizavaha zboru z 60 jeŭra (dla dziaciej ad 6 da 12 hadoŭ-35 jeŭra, dzieci da 6 hadoŭ vyzvalajucca ad jaho vypłaty) treba apłacić servisny zbor u pamiery 15 jeŭra za apracoŭku dakumientaŭ. Vizavy i servisny zbory apłačvajucca tolki ŭ biełaruskich rublach.
Razhladać dakumienty na vizu buduć ad siami rabočych dzion. Pryjom i vydača dakumientaŭ ažyćciaŭlajecca z 9.00 da 16.00 z paniadziełka pa piatnicu. U ispanskim vizavym centry dastupnyja dadatkovyja płatnyja pasłuhi: možna atrymać kansultacyju pa zapaŭnieńni ankiety, zrabić fota dla vizy, zamović SMS-apaviaščeńnie abo dastaŭku pašparta kurjerskaj słužbaj.
