Talenavity mastak? Žychar Mazyra adpraviŭ u DAI «list z parnahrafičnym malunkam» u adkaz na pratakoł za parušeńnie PDR
U kancy sakavika supracoŭniki kalinkavickaha DAI spynili 37-hadovaha žychara Mazyra, jaki ŭ stanie ałkaholnaha apjanieńnia išoŭ pa prajeznaj častcy, pry hetym bieź śviatłoadbivalnaha elemienta. Inśpiektary skłali na mužčynu pratakoł za parušeńnie PDR i adpuścili, paviedamlajecca na sajcie UUS Homielskaha abłvykankama.
Adnak štraf parušalnik płacić i nie źbiraŭsia.
Atrymaŭšy pozvu ab jaŭcy ŭ adździeł DAI Mazyrskaha rajvykankama, mužčyna namalavaŭ na arkušy papiery «parnahrafičnyja vyjavy» i, pryšpiliŭšy pozvu, adpraviŭ list nazad u DAI.
6 lipienia ŭ dačynieńni da mužčyny była raspačataja kryminalnaja sprava pa č. 1 art. 343 (vyrab i raspaŭsiudžvańnie parnahrafičnych materyjałaŭ abo pradmietaŭ parnahrafičnaha charaktaru). Mužčyna adpuščany pad abaviazacielstva ab jaŭcy, jamu moža pahražać da 6 miesiacaŭ aryštu.
Sam jon rastłumačyŭ, što byŭ vielmi zły na supracoŭnikaŭ za składzieny na jaho pratakoł.
