Parłamienckaja asambleja ABSIE zaklikała Rasiju viarnuć Krym, biełarus ustrymaŭsia
Parłamienckaja asambleja (PA) ABSIE na siesii ŭ Minsku pryniała rezalucyju pad nazvaj «Adnaŭleńnie suvierenitetu i terytaryjalnaj cełasnaści Ukrainy», aŭtaram jakoj źjaŭlajecca kiraŭnik ukrainskaj delehacyi Artur Hierasimaŭ. Pra heta havorycca ŭ apublikavanym prajekcie rezalucyi.
U dakumiencie Rasiju zaklikajuć spynić akupacyju ŭkrainskich terytoryj, spynić spansavańnie terarystyčnaj dziejnaści na Ukrainie i spynić prytok bajevikoŭ, vyzvalić ŭkrainskich palitviaźniaŭ i viarnuć ich na radzimu, a taksama viarnuć Ukrainie Krym.
Bolšaść členaŭ PA ABSIE padtrymali prajekt rezalucyi. Pradstaŭniki Rasii vystupili suprać pryniaćcia rezalucyi i nazvali jaje «antyrasijskaj».
Ad Biełarusi hałasavaŭ adzin delehat: Vital Varaniecki, jon ustrymaŭsia.
Aŭtar prajekta rezalucyi Artur Hierasimaŭ u intervju «Radyjo Svaboda» zajaviŭ, što chacieŭ by ščyra padziakavać PA ABSIE za pryniaćcie rezalucyi. «Rasija źjaŭlajecca krainaj-akupantam, vinavataj u śmierci našych ludziej, pastaŭlaje zbroju, bojeprypasy bajevikam i terarystam, nie dazvalaje pieradać pad kantrol ABSIE niekantralujemy ŭčastak miažy» - adznačyŭ Hierasimaŭ.