Sto bałaŭ na CT atrymali 314 abituryjentaŭ
Pra heta karespandentu BIEŁTA paviedamiŭ ministr adukacyi Biełarusi Ihar Karpienka.
Usiaho na CT było zarehistravana kala 92,2 tys. abituryjentaŭ, prykładna 16 tys. čałavieka-testaŭ zastalisia nie napisanymi, bo zarehistravanyja na ich abituryjenty nie źjavilisia na vyprabavańnie. Za hrubyja parušeńni praviłaŭ testavańnia z aŭdytoryj byli vydaleny 33 čałaviek.
— Pa najaŭnych u nas źviestkach, 314 abituryjentaŭ, jakija prajšli CT u asnoŭny čas, atrymali maksimalnuju acenku ŭ 100 bałaŭ pa adnym i bolš pradmietach. Pryčym my praanalizavali hieahrafiju hetych abituryjentaŭ - heta nie tolki stalica respubliki, ale i rehijony, uklučajučy sielskija nasielenyja punkty. Heta śviedčyć ab tym, što sistema testavańnia dosyć prazrystaja i abituryjenty majuć roŭnyja mahčymaści dla taho, kab zdać testy i pakazać svaje viedy, a taksama ŭdzielničać u konkursie dla pastupleńnia ŭ vyšejšyja navučalnyja ŭstanovy, - raspavioŭ Ihar Karpienka.