U Rasii žančynu abviaścili viedźmaj i spalili jaje dom
U Sachalinskaj vobłaści (RF) vyrašyli viarnucca da siaredniaviečnaj praktyki raspraŭ nad viedźmami. Miascovyja žychary padpalili dom maładoj žančyny, jakuju abvinavacili ŭ viadźmarstvie, paviedamlaje mk.ru.
Žychar Sachalinskaj vobłaści Aleh Unukaŭ źviarnuŭsia ŭ Asacyjacyju Advakataŭ Rasii za Pravy Čałavieka ŭ suviazi z padpałam doma 26-hadovaj Varvary Nihmatulinaj u vioscy Pabiedzina Sachalinskaj vobłaści. Jak paviedamlaje sajt arhanizacyi, jon raspavioŭ, što ŭ hetym nasielenym punkcie niama pracy, i mnohija znachodziać suciašeńnie ŭ narkotykach. Pa słovach aŭtara zvarotu, praz heta źvioŭ rachunki z žyćciom 38-hadovy muž Nihmatulinaj. Adnak miascovyja žychary paličyli maładuju žančynu viedźmaj, abvinavacili ŭ śmierci mužčyny i padpalili jaje dom.
Ciapier žančyna zastałasia na vulicy ź dziećmi, a miascovyja žychary admaŭlajucca joj dapamahać, bo bajacca jaje viadźmarstva.
Jurysty kažuć, što heta daloka nie pieršy padobny vypadak u Rasii i aścierahajucca, što padobnaja praktyka moža atrymać raspaŭsiudžvańnie.
