Nastajaciel Kałožy: Heta pamyłka! Nie budzie restaŭracyi ci rekanstrukcyi za takija hrošy!
Aficyjna hrošy vyłučany na «vykanańnie restaŭracyjnych rabot i kapitalny ramont Barysahlebskaj (Kałožskaj) carkvy XII stahodździa ŭ Hrodnie». Ale ŭ Barysahlebskaj carkvie Jeŭraradyjo tłumačać, što na prezidenckim sajcie… pamyłka. Hrošy pojduć na inšaje:
«Heta pamyłka. Tut niama havorki ni pra restaŭracyju, ni pra rekanstrukcyju, heta navat zrazumieła z toj sumy jakaja vydzielena, — kaža nastajaciel carkvy, protairej Alaksandr Bałońnikaŭ. — Hrošy buduć vydatkavanyja na zamienu zhniłych draŭlanych kanstrukcyj i paškodžanych krokvaŭ i dachu. Vydzielenyja hrošy tyčacca tolki dla supraćavaryjnych ramontnych prac».
Na vykanańnie restaŭracyjnych rabot i kapitalny ramont Kałožskaj carkvy ŭ Hrodnie, a taksama na kansiervacyju Kreŭskaha zamka vydatkavana 369 834 rubleŭ. Častka heta sumy podzie na taniravańnie adsłajeńnia rośpisaŭ XVIII-XIX stahodździaŭ Spasa-Praabraženskaj carkvy XII stahodździa, paviedamlałasia ŭčora.
