Mužčynu, jaki šturchnuŭ 82-hadovaha dziadulu ŭ mietro, prysudzili da hoda papraŭčych rabot
22 červienia sud Maskoŭskaha rajona Minska prysudziŭ 27-hadovaha mužčynu da hoda papraŭčych rabot. Vosieńniu minułaha hoda jon vypadkova šturchnuŭ u mietro piensijaniera, i toj atrymaŭ pierałom šyjki ściahna.
«Abvinavačany pryznany vinavatym u ździajśnieńni złačynstva, praduhledžanaha art. 155 KK (Pryčynieńnie ciažkaha cialesnaha paškodžańnia pa nieaściarožnaści). Jamu pryznačana pakarańnie ŭ vyhladzie papraŭčych rabot na termin 1 hod», — paviedamiła pres-sakratar Minskaha haradskoha suda Anastasija Šylvian.
Taksama na karyść piensijaniera spahnana kampiensacyja materyjalnaj škody na 3810 rubloŭ (viadoma, što paciarpiełamu rabili płatnuju apieracyju i stavili pratez). I jašče 2 tysiačy rubloŭ — maralnaj škody. Prysud nie ŭstupiŭ u zakonnuju siłu i moža być abskardžany.
Nahadajem, u listapadzie minułaha hoda 27-hadovy mužčyna ŭ śpiešcy šturchnuŭ 82-hadovaha čałavieka na stancyi «Płošča Lenina». Piensijanier atrymaŭ pierałom šyjki ściahna sa zrušeńniem adłomkaŭ. Vinavaty potym rastłumačyŭ, što navat nie adčuŭ šturška, a ŭsio adbyłosia vypadkova.
