Siońnia ŭviečary ŭ Minsku znoŭ treniroŭka parada. Uniesieny abmiežavańni ŭ pracu transparta
Siońnia adbudziecca čarhovaja treniroŭka vajennaj i hramadzianskaj techniki da paradu 3 lipienia, što ŭniasie značnyja abmiežavańni ŭ ruchu transpartu ŭ viačerniuju hadzinu pik.
Miechanizavanaja kałona pačnie ruch u 18.00, u suviazi z hetym budzie časova abmiežavany ruch transpartu pa praśpiekcie Niezaležnaści ad vulicy Starynaŭskaj da praśpiekta Mašerava i pa praśpiekcie Mašerava ad praśpiekta Niezaležnaści da praśpiekta Pieramožcaŭ.
Sama hienieralnaja repietycyja parada pačniecca ŭ 22.00, tamu pa maršrucie praśpiekt Mašerava - vulica Cimirazieva - vulica Sapioraŭ - praśpiekt Pieramožcaŭ - vulica Arłoŭskaja - płošča Banhałor - vulica Surhanava - praśpiekt Niezaležnaści - praśpiekt Mašerava ruch budzie abmiežavany.
28 červienia da zakančeńnia treniroŭki parada budzie zabaroniena parkoŭka aŭtatranspartu pa praśpiekcie Mašerava ad praśpiekta Niezaležnaści da vulicy Cimirazieva (uklučajučy prydarožnyja parkoŭki), pa vulicy Hvardziejskaj ad praśpiekta Mašerava da praśpiekta Pieramožcaŭ, pa vulicy Ihnacienka ad vulicy Hrybajedava da praśpiekta Pieramožcaŭ i h.d.
Buduć taksama ŭniesieny źmieny ŭ pracu transpartu abo źmienieny trasy niekatorych maršrutaŭ uviečary.
