Rasijskaha nieanacysta Ciesaka-Marcinkieviča prysudzili da 9 hadoŭ źniavoleńnia za prajekt «Akupaj-Narkafilaj»
Sudździa Babuškinskaha suda Maskvy Alaksandr Hłuchaŭ prysudziŭ da 9 hadoŭ kałonii strohaha režymu nacyjanalista Maksima «Ciesaka» Marcinkieviča, pieradaje Meduza. Z ulikam papiaredniaha prysudu Ciesaka, jon praviadzie ŭ kałonii strohaha režymu 10 hadoŭ.
Jaho pryznali vinavatym u raspalvańni nianaviści (častka 1 artykuła 282 KK RF), razboi (častka 2 artykuła 162 KK RF) i chulihanstvie (častka 2 artykuła 213 KK RF).
Ciesaka asudzili za napad u 2013 hodzie na mierkavanaha narkahandlara ŭ ramkach akcyi «Akupaj-Narkafilaj». Padsudny svaju vinu nie pryznaŭ. Abvinavačańnie prasiła dla Ciesaka 11 z pałovaj hadoŭ strohaha režymu.
Razam ź Ciesakom fihurantami pa spravie ab napadzie i źbićci ludziej prachodziać jašče dzieviać čałaviek.
Prysud pa spravie «Akupaj-Narkafilaj» staŭ dla Ciesaka čaćviortym. Raniej jaho trojčy sudzili za raspalvańnie nianaviści, apošni raz u 2014 hodzie jaho prysudzili da dvuch hadoŭ i dzieviaci miesiacaŭ kałonii.
