U suviazi z pahrozaj apoŭźnia hary Hiedymina ŭ Vilni budzie abvieščana ekstremalnaja situacyja
Urad Litvy znarok abviaściŭ ekstremalnuju situacyju ŭ suviazi sa stanam hary Hiedymina ŭ Vilni, heta palehčyć pošuk srodkaŭ na pracy pa vyratavańni hary, paviedamiŭ u paniadziełak litoŭski premjer-ministr Saŭlus Skviernialis, paviedamlaje partał delfi.lt.
DELFI / Andrius Ufartas
«Vidać, my budziem vymušanyja abjavić i ekstremalnuju situacyju, choć by dla taho, kab znajści dadatkovyja krynicy finansavańnia», — skazaŭ S.Skviernialis žurnalistam va ŭradzie. Pavodle jaho słoŭ, z-za spaŭzańnia adchonaŭ pahroza dla hary vielizarnaja, tamu jość nieabchodnaść vypracavać kompleksnuju stratehiju.
Na paŭdniova-ŭschodnim schile hary farmujucca miescy, u jakich pry niespryjalnych umovach nadvorja mohuć adbyvacca apoŭźni. Praz heta moža tresnuć ci navat abrynucca frahmient vierchniaha zamka, dzie ŭtvarylisia raskoliny šyrynioj z santymietr. Heta niaščaście sprabujuć praduchilić, pracy płanujuć pačać u hetym hodzie.
Ekśpierty Polskaha hieałahičnaha instytuta na praciahu dvuch tydniaŭ buduć pravodzić hieafizičnyja daśledavańni, skanavać haru i ahučać svaje rekamiendacyi.
Hetaj zimoj niebiaśpiečny apoŭzień užo zdaryŭsia na paŭnočna-zachodnim schile hary.
