Rasija mianiaje svajho pasła ŭ ZŠA
Rasijskaja Fiederacyja adklikaje svajho pasła Siarhieja Kiślaka z Vašynhtona. Pra heta paviedamlaje amierykanskaje vydańnie BuzzFeed News sa spasyłkaj na try krynicy, piša UNIAN.
Fox News
Vydańnie adznačaje, što rašeńnie viarnuć Kiślaka ŭ Rasiju zamiest taho, kab pryznačyć jaho na kirujučuju pasadu ŭ Arhanizacyi Abjadnanych Nacyj u Ńju-Jorku, jak pra heta paviedamlali raniej niekalki ŚMI, źjaviłasia na fonie rasśledavańniaŭ FBR i Kanhresam kantaktaŭ rasijskaha dypłamata z hałoŭnymi daradcami Donalda Trampa padčas vybarčaj kampanii ŭ 2016 hodzie.
Razam z tym skazana, što sychod Kiślaka daŭno ŭžo čakaŭsia, ale ŭ Maskvie nie paćviardžali datu jaho adjezdu. U toj ža čas, biznes-rada ZŠA—Rasija arhanizuje raźvitalny viečar z pasłom Kiślakom, jaki pavinien adbycca 11 lipienia ŭ hateli St. Regis.
Aficyjny pradstaŭnik ministerstva zamiežnych spraŭ RF Maryja Zacharava ŭ paniadziełak skazała, što Kiślak, jaki pracuje ŭ ZŠA ŭžo 9 hadoŭ, uvojdzie ŭ historyju jak čałaviek, jaki zrabiŭ usio mahčymaje dla raźvićcia dvuchbakovych adnosin, navat u samyja składanyja časy.
