U Viciebsku z bałkona na šostym paviersie vypała maleńkaja dziaŭčynka
Trahiedyja adbyłasia ŭ viciebskim mikrarajonie Bileva 24 červienia. Pra heta TUT.BY paviedamiła aficyjny pradstaŭnik USK pa rehijonie Śviatłana Sacharava.
«Haradski adździeł Śledčaha kamiteta pravodzić pravierku pa fakcie padzieńnia maleńkaj dziaŭčynki z bałkona na 6-m paviersie doma ŭ mikrarajonie Bileva. Dziciaci byŭ 1 hod i 9 miesiacaŭ. Dziaŭčynka pamierła paśla taho, jak jaje dastavili ŭ balnicu. Śledčyja ahledzieli miesca zdareńnia, kvateru i bałkon. Na im stajaŭ zedlik. U kvatery, u roznych pakojach, znachodzilisia maci dziaŭčynki i jaje sužyciel. Dzieci — 3,5-hadovy syn i zahinułaja dačka — u momant zdareńnia byli biez nahladu», — raspaviała Śviatłana Sacharava.
Siamja charaktaryzujecca zdavalniajuča, dzieci nie znachodzilisia ŭ sacyjalna niebiaśpiečnym stanoviščy.