Biełčyhunka pryznačyła šerah dadatkovych ciahnikoŭ na lipieńskija vychadnyja
Z nahody 3 lipienia Biełaruskaja čyhunka pryznačyła 20 dadatkovych ciahnikoŭ u mižrehijanalnych znosinach, paviedamili ŭ pres-centry BČ.
Tak, 30 červienia, 1, 3 i 4 lipienia dadatkovyja ciahniki, a taksama pryčapnyja vahony ŭ sastavach rehularnych ciahnikoŭ buduć kursavać pa najbolš zapatrabavanych kirunkach: Minsk-Brest-Minsk, Minsk-Viciebsk-Minsk i Minsk-Homiel-Minsk.
Na 8-9 lipienia taksama pryznačanyja dadatkovyja ciahniki rehijanalnych linij ekanomkłasa dla pieravozki ŭdzielnikaŭ i haściej śviata «Aleksandryja źbiraje siabroŭ», jaki projdzie ŭ vioscy Aleksandryja Škłoŭskaha rajona. Dadatkovyja ciahniki buduć kursavać pa maršrucie Mahiloŭ-Škłoŭ-Kopyś (vioska Aleksandryja)-Škłoŭ-Mahiloŭ i Orša-Kopyś-Orša.
Užo siomy hod zapar Biełaruskaja čyhunka pryznačaje ciahnik mižrehijanalnych linij biznes-kłasa na čas praviadzieńnia Mižnarodnaha fiestyvalu «Słavianski bazar u Viciebsku». U biahučym hodzie ciahnik № 644/643 budzie kursavać pamiž Minskam i Viciebskam padčas praviadzieńnia fiestyvalu štodnia z 11 pa 20 lipienia. Sa stancyi Minsk-Pasažyrski jon budzie adpraŭlacca z 11 pa 19 lipienia ŭ 12.47 i prybyvać u Viciebsk u 16.32. Ź Viciebska ciahnik budzie adpraŭlacca z 12 pa 20 lipienia ŭ 01.32 i prybyvać u stalicu ŭ 05.17.
Bolš padrabiaznuju infarmacyju ab raskładzie dadatkovych ciahnikoŭ možna atrymać na aficyjnym sajcie Biełaruskaj čyhunki, a taksama pa telefonach daviedačnaj słužby.
