Siejm Polščy ŭchvaliŭ papraŭki ab znosie kamunistyčnych pomnikaŭ
Siejm Polščy, nižniaja pałata parłamienta, uchvaliŭ papraŭki ŭ zakonaprajekt ab zabaronie prapahandy kamunizmu, jakija praduhledžvajuć dazvoł na demantaž pomnikaŭ i miemaryjałaŭ savieckaj epochi. Pra heta paviedamlaje polskaje vydańnie Wiadomosci Onet. Za dakumient prahałasavali 408 deputataŭ, suprać - 7, ustrymalisia 15 čałaviek.
Pałažeńni zakonaprajekta nie raspaŭsiudžvajucca na manumienty, nie vystaŭlenyja na hramadski ahlad, na simvoliku na mohiłkach i na vystaŭlenyja ŭ mastackich abo navukovych metach abjekty. Pad dziejańnie dakumienta nie trapiać tyja abjekty, jakija vystaŭlajucca na hramadski ahlad nie tolki dla «prapahandy tatalitarnaha režymu», piša vydańnie.
Akramia taho, zakonaprajekt zabaraniaje vykarystoŭvać u nazvach škoł, dziciačych sadkoŭ, balnic, inšych hramadskich i kulturnych ustanoŭ słovy, «jakija prapahandujuć kamunizm abo inšyja tatalitarnyja sistemy».
Rašeńnia ab demantažy abjektaŭ buduć vynosić ułady vajavodstvaŭ. Dla znosu treba budzie atrymać zhodu Instytuta nacyjanalnaj pamiaci — dziaržaŭnaj ustanovy, jakaja vyvučaje dziejnaść dziaržstruktur SSSR i nacysckaj Hiermanii na terytoryi Polščy.
Pomniki, jakija traplajuć pad dziejańnie dakumienta, pavinny być demantavanyja na praciahu 12 miesiacaŭ z momantu ŭstupleńnia zakona ŭ siłu. Zakon ustupić u siłu praz try miesiacy z momantu jaho aficyjnaj publikacyi.
U sakaviku 2017 hoda polskaje vydańnie Rzeczpospolita, paviedamlajučy ab raspracoŭcy zakonaprajekta, adznačała, što pad jaho dziejańnie mohuć padpaści 490 pomnikaŭ i manumientaŭ na terytoryi krainy.