Na 81-m hodzie žyćcia pamierła madeljer Karła Fiendzi
U Rymie na 81-m hodzie žyćcia pamierła Karła Fiendzi, jakaja da apošnich dzion zajmałasia stratehijaj raźvićcia modnaha doma Fendi, zasnavanaha jaje baćkami, paviedamlajuć infarmahienctvy.
Da hetaha Karła Fiendzi pieraniesła ciažkaje zachvorvańnie. Za dzień da śmierci jaje vypisali z balnicy. Da samych apošnich dzion žančyna zastavałasia hanarovym prezidentam hrupy Fendi.
Karła była adnoj ź piaci siaścior, jakija stajali la rula papularnaj va ŭsim śviecie kampanii. Kožnaja siastra vykonvała svaju ŭnikalnuju rolu. Adnym z samych važnych momantaŭ stała pryznačeńnie siostrami Karła Łahierfielda na pasadu art-dyrektara brenda. Jon vyvieŭ Fendi na novy ŭzrovień i źmianiŭ łahatyp. I pa hety dzień viadomy dyzajnier stvaraje rečy dla brenda.
U 2007 hodzie Karła zasnavała Fond Karły Fiendzi, asnoŭnaja meta jakoha — raźvićcio mastackich tradycyj u mastactvie, litaratury, kino, modzie.
