Pieršuju ŭ śviecie pierasadku hałavy zrobiać kitajcu
Italjanski niejrachirurh Sierchia Kanaviera paviedamiŭ bolš padrabiaznuju infarmacyju ab płanie praviadzieńnia pieršaj u śviecie apieracyi pa pierasadcy hałavy, paviedamlaje Newsweek.
Apieracyju bolš nie płanujuć pravodzić nad Valeram Śpirydonavym, rasiejcam, jaki pakutuje na ciažkuju chvarobu Vierdniha-Hofmana. Zamiest hetaha apieracyja projdzie ŭ Kitai na jašče nie vybranym kitajcy.
Italjanski niejrachirurh Sierchia Kanaviera
Dahetul niezrazumieła, čamu Śpirydonaŭ bolš nie razhladajecca jak udzielnik ekśpierymienta. Hieorh Kindeł, vydaviec i redaktar OOOM, miarkuje, što takoje rašeńnie było pryniataje z-za taho, što apieracyja budzie pravodzicca mienavita ŭ Kitai. «Značycca, našmat lahčej znajści kitajskaha donara, — kaža jon. — Heta, napeŭna, hałoŭnaja pryčyna».
Mnohija ŭpeŭnienyja, što sprava chutčej za ŭsio ŭ finansavańni i nacyjanalnym prestyžy. U Kitai apieracyja pa pierasadcy hałavy finansujecca na dziaržaŭnym uzroŭni. Ułady vydzialajuć dla hetaha śpiecyjalnuju kliniku, a dapamahać italjanskamu niejrachirurhu buduć dziasiatki miascovych śpiecyjalistaŭ.
Kanaviera ŭ intervju OOOM skazaŭ, što pieršaja transpłantacyja čałaviečaj hałavy budzie prachodzić na praciahu 10 miesiacaŭ. Jon nie ŭdakładniŭ datu apieracyi, ale Kindeł kaža, što kamanda znachodzicca na šlachu jaje ažyćciaŭleńnia. Najbližejšaja mahčymaja data praviadzieńnia — kaniec hoda.
Mnohija niejrachirurhi dahetul sumniajucca, što pry praviadzieńni apieracyi na čałavieku sapraŭdy ŭdasca paśpiachova zraścić śpinny mozh i zachavać žyćciovyja funkcyi hałaŭnoha mozhu.